رواية [ فٌـلُـهِـآآ وْ رَبًـــكٍ يُحٌـــــلٍهْآآاإإ ] للكاتبة : نرجسيه انثى

السلااام عليكوووم
هذي رواية مرررة حلووووووووووة
واناا بنزلهــآآ لكم على اجزآآء
واتمنى تتابعووني

الشخصيات
يوسف كبير العايلة والكل يحسب له الف حساب ويحترمه والكل يخاف منه اذا عصب وصوته عالي يفجر طبله الاذن ومرررة فرييييييي
الجازي زوجة يوسف.. طيوبه وقلبها ابيض وعندها السكر
العنود البنت الكبيره 29 سنه متزوجه وعندها ولد فلقه قمر
عبير عمرها 20 بسنه ثالث جامعه تدرس أدب انجليزي سمينه بيضاء وملامحها حلوة وقصيرة وشعرها لونه بني ناعم
مشاعل عمرها 17 بسنه ثاني ثانوي علمي قصيرة وبيضاء شعرها اسود وقصير ونحيفة
عبد الله عمره 13 سنه بسنه ثاني متوسط قصير وابيض وشعره ناعم ويحب يهبل في الناس
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــ

راكان اخو يوسف اصغر منه بـ 4 سنوات .. متزمت على خفيف بس على نفسه مو على غيره
ريم طيبه مرره ونصراويه متعصبه
خيال عمره 20 بسنه ثالث جامعة علوم سياسيه سمييين مرره واسمر وبثر طويل ويعشق اجهزة الكمبيوتر
سمر عمرها 19 بسنه ثاني قسم ملابس ونسيج طويله بيضاء شعرها اسود طويل لنص ظهرها وناعم وعيونها بنيه اللي براسها لازم تسويه عنيده
وائل عمره 15 بسنه ثاني ثانوي علمي طوييييل مررررة و ابيض وشعره اسود
نايف عمره 8 بسنه ثاني ابتدائي مسالم بس بعض الاحيان يقهرك لازم يفتن على اخوانه عند ابوه وامه اسمر وشعره اسود
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـ
ريان متدين هادي بارد جداجداجدا دايما في حاله
هنادي مزاجيه مع عيالها غير مع الناس هاديه مثل زوجها
هنوف عمرها 19 بسنه اولى جامعه قسم فنيه طويله سمراء شعرها بني ومجعد
أنس عمرة 15 بسنه ثاني ثانوي علمي طعس عربجي و24ساعة في البر سنافي ويغار على اهله
محمد عمره 8 بسنه ثاني ابتدائي
جوانا عمرها 7 بسنه اولى ابتدائي
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــ
الجزء الاول

يوم الجمعه في الاستراحه كانوا البنات يتفرجون على التلفزيون
سمر:افففف طفش
هنوف:بالعكس الفلم مرررة حلو
سمر:الحمد الله عندي تلفزيون في البيت نجي الاستراحه عشان نتفرج على التلفزيون بعد؟؟
مشاعل:اقول حطوا قناة روتانا خل نسمع اغاني احسن من هذا الفلم السخيف
سمر:يووه خلصنا من الفلم رحنا للاغاني
عبير:السلام عليكم
الكل:وعليكم السلام
عبير: من جدكم قاعدين هنا تتفرجون على التلفزيون ما عندكم تلفزيونات بالبيت الجو مررره حلو وانتم قاعدين
سمر:من جد حسافه هذا الجو على الدراسه هذا جو بر
مشاعل:ايه والله فكره
سمر:أي فكرة
مشاعل:ليش ما نستاجر مخيم
عبير:والدراسه؟؟
هنوف:لازم نداوم؟؟
سمر:لامب لازم نروح للبر احسن
مشاعل:اجل امشي نقول لهم
سمر:من جدك انتي؟؟
مشاعل:ايه
عبير:ليش الرجال فاضين لنا عندهم دوامات وماراح يخلونا نغيب
مشاعل:يوووووه وش نسوي
سمر:ادعي ربك
مشاعل:ياااااااارب نخيم هذا الاسبوع
عبير:هنوف ليش حاطه قناة العربيه
هنوف:ههههه انسجمت مع السالفه ونسيت
التلفزيون.......مكرمه ملكيه من خادم الحرمين الشريفين اسبوع اجازة للطلاب والطالبات والموظفين....)
الكل:ههههههههههههههههههههههههههه
سمر:مشاعل ادعي لنا ننجح السنه هذي باعلى النسب عشان نسافر في الصيف
عبير:من جد دعوتك استجابت بعد خمي دقايق
مشاعل:يارب كلنا ننجح باعلى الدرجات
هنوف:يلا بسرعه خلونا نقول لهم نستاجر مخيم
سمر:لا انا دايما اتكلم خلاص ملوا مني وصاروا يقولون لا
عبير: انا مالي شغل
هنوف: انا ما اعرف اقنعهم
مشاعل:انا اتكلم بس انتم امشوا
ــــــــــــــــــــــــــــــــــــــــــــــــــ ــــــــــــــــــــــــــــــ
عند الرجال
البنات:السلام عليكم
الرجال:وعليكم السلام

مشاعل:نبي نطلب منكم طلب
ابوخيال:وش عندكم؟؟
مشاعل:هنوف قولي لهم
هنوف:لا انا مالي شغل عبير قولي لهم
سمر:مالت عليكم كالعاده انا اللي اتكلم
سمر:نبي نخيم هذا الاسبوع الجو حلو مرررره
ابو خيال:والكليه؟؟
مشاعل:لا هذا الاسبوع اجازة
ابو عبد الله:من قاله
عبير: قناة العربيه
ابو خيال:والله شكلكم انتم اللي قايلينه
سمر:افتحوا قناة العربيه وشوفوا
ابو خيال:بدون ما نفتح هذي حركاتكم وحنا حافظينها

ملاحظه: << كل مره يقولون هذي عوايدكم والمشكله ماقد سووها قبلعني مدري من متى صارت عاده خخخ

عبير:ههههههههه
مشاعل:لا والله تونا سامعينه
ابو انس:اجل انا بروح اتاكد
هنوف:لاتتاخر نستناك نبي بكرة نروح المخيم
ابو عبدالله:ومخططين بعد هههه
الكل:ههههههه
سمر:اكيد لازم نخطط من زمان ما طلعنا للبر
ابو انس:ترى البنات صادقين
ابو خيال:وش يدريك؟؟
ابو انس:توني داق على صديقي وقالي وفتحت قناة العربيه
سمر:نروح نخيم هذا الاسبوع؟؟
ابو انس : ان شاء الله بكرة
ابو خيال:سمر روحي قولي لامك بنرجع للبيت
سمر:ليش؟ بدري
ابو خيال:عشان نستعد للمخيم ولا غيرتوا رايكم؟
عبير:لا ما غيرنا راينا
ابو انس وابو عبد الله :يلا بنروح
عند الحريم
مشاعل بسرعة:كل وحده تضف عفشها وتطلع رجلها يحتريها برا.....(ما عندها وقت)
ام انس:ليش؟
سمر وهي تلبس عبايتها:بنروح نخيم بكرة ونبي نستعد
ام خيال:والمدارس
الهنوف :بكرة اجازة وابوي تاكد
سمر وهي تطلع :بنات لاتنسون بكرة لازم نجيب اشياء عشان نتسلى باااي
عبير:يمه ترى أخذت زمزميات القهوة ومشاعل بتاخذ صواني الحلى
وطلعوا البنات
الحريم:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ام انس:صادقين ولايمزحون
ام عبد الله:اكيد يمزحون
ام خيال:كملوا القهوة ما عليكم من ذا المهبل

في السيارة
سمر:وين نايف؟؟
ابو خيال:اكيد داخل يعني وين بيكون
ابوخيال:قلتي لامك تجي؟؟
سمر:ايه قلنا لهم كلهم
ابوخيال:اجل وينهم محد منهم طلع
سمر:مدري اتصل على امي
اتصل ابو خيال على ام خيال
ابو خيال:السلام عليكم
ام خيال: وعليكم السلام
ابو خيال:ليش ما طلعتوا؟
ام خيال:ليش بنطلع الحين؟
ابو خيال:ايه ما قالوا لكم البنات
ام خيال:الا قالوا بس توقنهاهم يمزحون
ابو خيال :اطلعوا كلكم اخواني لهم ساعة يستنون برا
ام خيال:الحين بنطلع
ابو خيال :مع السلامه
ام خيال: يا حريم الرجال برا يستنونا
ام انس:يووه تاخرنا عليهم محمد جوانا يلا اطلعوا ابوكم يستناكم برا
ام خيال: محمد شفت نايف؟
محمد :ايه في بيت الشعر
ام خيال: ناااااااايف رح اركبالسيارة
وطلعوا الحريم ووصلوا بيوتهم

ابي ردوودكم حباايــب
تحيااتووو
صرقووعة

االرواايه مرررررررره خطييره كمليها لو سمحتي

اع ـــشق ج ـــنوني كتب:: االرواايه مرررررررره خطييره كمليها لو سمحتي

انتي الأخطر عشووقة

ولعيونج التكلمة جااهزة

تحيااتو
صرقووعة

الفصل الثاني

في اليوم الثاني

كانت 4 سيارت تمشي ورا بعض كاننا موكب وعند محطه البنزين
سمر:يمه بركب مع عمي يوسف
ام خيال:لا عندهم زحمه وين تقعدين فيه
سمر :عادي بطرد عبد الله بخليه يركب في سيارة خيال
ام خيال:لا اقعدي هنا بس سيارة ابوه وتطردينه
سمر:باااااي

سمر:عبد الله يقول ابوك اركب مع خيال
عبد الله:ليش؟؟
سمر: مدري عنه
عبد الله:طيب

في سياره ابو عبد الله
سمر:هاااي بركب معكم
نوف:ما فيه مكان
سمر:لا عبد الله راح مع خيال
مشاعل:من قال له
سمر:ههههههههههههه انا
عبير: غريبه وافق
سمر:كذبت عليه قلت له ابوك موافق
عبير ومشاعل:ههههههههههههههههههه
سمر: من جد طفشت ما عندي الا نايف
ابو عبد الله:وين عبد الله
سمر:ركب مع خيال وانا جيت مكانه
ابو عبد الله:هههه انتي جيتي
سمر:ايه
ابو عبد الله : وانا اقول ليش ما استاذن مني لما ركب سيارة اخوك
سمر:هههههه ايه انا قلت له انك موافق
ووصل الموكب الى المخيم
مشاعل: اخيرا وصلنا
سمر: بس ان شاء الله ما فيه تلفزيون
هنوف:لا ان شاء الله نبيه
عبير: يووووووووه حنا جايين نتفرج على التلفزيون
سمر:ايه نبي نفلها
مشاعل:اقول وش رايكم نسوق
سمر:ههههه محد بايع سيارته
هنوف:من قال اننا بنشاورهم
عبير: وش رايكم نسرق المفاتيح ونسوق
سمر:انا اسرق المفاتيح بس على مسؤوليتكم وترى اذا مسكونا ما اعرفكم
عبير:لا بنقول انتي اللي محرضتنا
سمر: اجل ما اعرفكم
عبير:لالالا امزح تعالي
سمر:طيب بس أي مفتاح نسرق؟ لاتقولين سيارة ابوي
هنوف:وليش ان شاء الله
سمر:ما بعت عمري
مشاعل:خلاص سيارة ابوي
سمر:غريبه خيال ما وصل
هنوف :كل العيال في سيارته اكيد راحوا يتمشون
سمر:حلو الحين اقدر اروح عندهم تعالوا معي عشان تغطون علي
الكل:طيب

عند الرجال
البنات:السلام عليكم
الرجال:وعليكم السلام
ابو خيال: ما فيه دبابات
سمر:ههههههههه ماسالنا عنها تونا بدري
ابو انس: اجل وش جابكم
مشاعل:قلنا دام العيال توهم ما جوا نجي ونسولف معكم
سمر وهي تجلس جنب ابو عبدالله:يا حيا الله ابو عبدالله
ابو عبد الله :لا سمر اليوم راضيه علينا
سمر:هههههه عشاني ركبت معكم في سيارتكم
ابو خيال:صح وشلون تنزلين من السيارة وما تقولين لي
سمر:ركبت مع عمي ما ركبت مع احد غريب
عبير:الا وش اخبار الاسهم
الكل:زفت
الهنوف:افا ليش
سمر قدرت تسرق المفاتيح
سمر:بدينا سالفة الاسهم بااي
الكل:بااي
الرجال:؟؟؟؟؟؟؟
ابو انس:هم اللي فتحوا الموضوع وانحاشوا
ابو خيال:يا رجال بزارين ما عليك منهم

عند البنات
مشاعل :سرقتيها
سمر:اكيد من بتسوق؟
هنوف:انا
سمر:هذي المفاتيح استناكم عند الحريم
الكل:؟؟؟؟؟؟
عبير:ليش؟
سمر:ما بعت عمري
عبير وهي تسحب سمر:امشي بلا خفة دم
سمر:طيب طيب
وجوا السيارة
سمر:هنوف تعرفين تسوقين ولابتموتينا
هنوف:تعالي سوقي انتي اذا ما عجبتك
سمر:لا ما اعرف اسوق
هنوف: اجل اسكتي
وتشغل هنوف السيارة
سمر:اشهد ان لا اله الا الله واشهد ان محمدا رسول الله
مشاعل: هههههه مهبوله

طااااااااااااااااااااااااااااااااااخ

الجزء الثاني
الفصل الاول
سمر:وش ذا الظلام اكيد احنا بالقبر انا سائلة الهنوف اذا تعرف تسوق ولالا
هنوف:اقول انطمي
سمر:ودافنينا بقبر واحد بعد
مشاعل:ههههههه
سمر:ما عمري شفت احد يضحك بالقبر
عبير:ليش قد دخلتي القبر من قبل
سمر:وش ذا الكراسي ما قالوا لنا فيه كراسي بالقبور
هنوف:أي قبر انتي الثانيه صدمنا بالخيمه
مشاعل:اجل الله يرحم اللي جواتها
عبير:ما عندك عين انتي وياها
سمر:لا انا قاعده اتشهد
مشاعل:لا حنا قاعدين ورا مانشوف
سمر:في أي خيمه صدمنا؟
هنوف:خيمة العيال
سمر:مساكين بينامون بدون خيمه
عبير:خلينا بنفسنا الحين
هنوف:أي والله وش بنسوي وش بنقول؟
سمر:عندي فكرة
عبير:وشي ما فيه امل بيرجعونا للبيت
سمر:معك ام الافكار وحلاله المشاكل
مشاعل: بتجينا المشاكل اذا ما عطيتينا حلك بسرعة
سمر:هنوف طفي السيارة وعطيني المفاتيح
سمر وهي تنزل:يله انزلوا
وراحت
البنات وهم يلحقونها:وين رايحه
سمر:عند الرجال
عبير:لاما تفقنا
سمر:اتفقنا على ايش؟
عبير:احنا قلنا انتي مالك دخل بس مب معناته تفتنين علينا
سمر:ههههههه واذا قلت احنا بنطلع منها برائه
هنوف:كيف حتى العيال مو موجودين
سمر: من حظنا
الكل:؟؟؟؟؟؟؟؟؟؟
سمر:طيب بشرحلكم
من حظنا ان المخيم نازل شوي والسيارت مرتفعه بنقول ان عمي يوسف حرر الجلنط ومشت السيارة وصدمت بالخيمه
عبير:والمفتاح كيف نرجعه
سمر:خلوها علي
عند الرجال
سمر:عمي يوسف الحق سيارتك صدمت بالخيمه
يوسف:أي سيارة
سمر:ما عندك الا سيارة وحده
ابو عبدالله وهو يمر جنب سمر:الله يستر لايكون احد بالخيمه
سمر تغمز للبنات يهني رجعت المفتاح بجيبه

عند السيارة
ابو عبد الله :اشوا صدمت خيمه العيال
ابوخيال :ههههههههه الحين لك اكثر من 45سنه ونسيت الجلنط
ابو انس:ههههههههه

البنات
سمر:اشوا ما حسوا
هنوف: ايه والله طلعنا منها
سمر:احم احم طلعتكم هع هع
عبير:وش ذا الضحكه
مشاعل:ههه ضكة عرابجه مالامكم دخل فيها

سمر:امشوا للخيمه عند الحريم قبل لايبدون يشكون فينا
عبير:وانتي من متى تعرفين للسيارت
سمر:هههههه ما اعرف بس كنت اسمع ابوي وهو يعلم خيال السواقه...... ووائل ما عنده الا السيارات
هنوف:هههههه

الفصل الثاني
عند الحريم
البنات :السلام عليكم
الحريم:وعليكم السلام
ام خيال:وين كنتم فيه
سمر:توكم تنتبهون لنا كنا بنموت
البنات تغيرت وجيهم
عبير بهمس: بتفضحنا الخبله
ام انس بخوف:ليش وش صار
سمر:اسالي بنتك الخبله
البنات كان بيغمى عليهم من الخوف
ام خيال:خير وش صاير
سمر: سلامتك يمه بس هنوف قالت خلونا نشوف خيمه العيال لاتكون احسن منا ورحنا هناك وعمي الله يهديه نسى الجلنط
ونزلت السيارة وصدمت الخيمه
الحريم شهقوا والبنات ارتاحوا
ام عبد الله:وانتم وش سويتوا
سمر:لا ابد انتبهنا للسيارة ووخرنا عن طريقها
ام خيال:وانتي من متى تعرفين للسيارت
سمر:لا ما اعرف بس سمعت ابوي يقوله قبل شوي
مشاعل:قسم بالله انك داهيه
سمر:هههه توك تدرين
عبير:خوفتينا
سمر:عشان ما تسوقون سيارات ثاني مره.... بس تصدقون؟
الكل:وشو
سمر :الحقوني
عند الرجال
سمر:ن.......
الرجال:لايكون سيارة ثانيه صدمت بالخيمه
سمر:ههههههههه لا بس عرفنا ليش السيارة طاحت
ابو عبد الله :ليش؟
سمر:هذي هنوف
البنات خافوا مره ثانيه
ابو انس عصب:وش سوت بعد
سمر:ابد سلامتك عين بنتك حارة قالت نبي نسوق وكانت تناظر سيارة عمي بعدين قلت لها الرجال مب موافقين وبعدين السيارة صدمت بالخيمه
ابو خيال:وش تبون طيب
سمر نبي نسوق والا الدور على سياراتكم
ابو خيال:لا والله سوقوا ولا تخرب سياراتنا
ابو انس:لا ما عندنا بنات يسوقون
سمر:افا هنوف روحي لسيارة ابوك وعطيها عين
الكل:ههههههههه
سمر:عمي ترانا في البر يعني عادي نسوق ما راح نروح للبقاله ولاشيء بس نتسلى في البر
ابو عبد الله:انا موافق
مشاعل:عمي ريان وافق شف ابوي وعمي راكان وافقوا
ابو انس:خلاص بتسوقون
سمر:نستناكم عند السيارة

عند السيارة
عبير:هههههههههه كسرنا سيارة ابوي ومكافاتنا نسوق سيارة عماني
الكل:ههههههههههه
سمر:عشان تعرفون افكاري الذكيه
هنوف:كنا بنموت من الخوف كان قلتي لنا فكرتك بتاخذ من وقتك دقيقه
سمر:ههههههههههههههه لا اخاف تسرقون افكاري
عبير:ليش شايفتنا حراميه
سمر:ما تلاحظون انهم تاخروا
عبير:ايه
مشاعل:انا بروح اشوف
عند الرجال
مشاعل:ليش ما جيتوا؟
ابو خيال:وين
مشاعل:عند السيارة
ابو عبدالله:وش تسوون عند السيارة
مشاعل:نبي نسوق انتم قايلين استنونا عند السيارة
ابو خيال:وافقنا تسوقون بس ما قلنا الحين
مشاعل:اجل متى؟
ابو انس:تونا باول يوم وبنقعد اسبوع بالمخيم لازم تسوقون للحين
ابو عبد الله :قولي للحريم يصلحون لنا فطور
مشاعل:ان شاء الله
عند البنات
عبير:وينهم
مشاعل:يقولون مب اليوم
سمر:افا شكلهم قالوا كذا عشان يسكتونا وما تخرب سياراتهم
الكل :ههههههههههه
عبير:سمر هذيك سيارة راكان
سمر:ايه هذي خلونا ندخل قبل ما يجوون
عند الرجال
الاولاد:السلام عليكم
الرجال:وعليكم السلام
ابو خيال:وين كنتم
خيال:كنا نتمشى وبعدين ضعنا
ابو انس:ترى بتنامون معنا في الخيمه الصغير
انس:ليش نبي لنا خيمه خاصه نبي نسهر وانتم بتنامون بدري
ابو انس:من وين نجيب لكم خيمه انس:وخيمتنا وينها اكيد البنات اخذوها
ابو انس:هههههههه لا بس عمك نسى الجلنط وصدمت السيارة بالخيمه
خيال:عادي بنروح نجيب احد يركبها
ابو خيال:روحي بس لاتتاخرون
ابو انس:انتم صادقين بتخلون البنات يسوقون ولا تمزحون
ابو خيال:يا رجال خلهم يسوقون حنا جاين هنا عشان ننكد عليهم
انس:لا مب لازم يسوقون
ابو خيال:وانت وش دخلك بناتنا واحنا احرار
انس:لا عمي كل المخيمات اللي حولنا شباب مايصير
ابو انس:كملت الحين وش بيفكنا منهم
ابو خيال :قل لا وبس
سمر ومشاعل كانوا واقفين عند الخيمه وسمعوا كل حكيهم
وبعد ما بعدوا من الخيمه
مشاعل :كلاب خربوا علينا
سمر معصبه :والله ما اسكت
مشاعل:وش بتسوين
سمر:هههههههه كنت متوقعه ان بيصير شيء وانس الهم معنا
هنوف وعبير:هاي
سمر:وين كنتوا
عبير: الحمد الله كل المخيمات اللي جنبنا عوايل
مشاعل:عشان كذا لابسين عباياتكم
هنوف:ايه وفيه مخيم فاضي
مشاعل :يمكنم ما جوا
سمر :ما عليك من المخيم انس الهم كذب عليهم
هنوف:وش سوا
سمر:قال ان كل المخيمات اللي حولنا شباب
عبيرلاااااااااا يعني ما فيه سواقه
هنوف:عادي نقول اننا رحنا وكلهم عوايل
سمر:تشهدي قبل ما تروحين
هنوف:ليش؟
عبيرلو دروا اننا طلعنا برا المخيم بيذبحونا
هنوف:ايه صح
سمر:والله ما اسكت
هنوف:وش بتسوين
سمر:دام اخوك معنا لازم نحتاط
مشاعل:من جد هذولاء الاولاد يرفعون الظغط
سمر:ايه ما يبغونا نسوق ولا يبغون يجيبون الاشياء اللي نحتاجها
عبيرالمفروض يخلون الحرمه تسوق ويمنعون الرجاجيل من السواقه
الكل:ههههههههههههه
سمر المهم جبتوا مسجل؟
عبيراحنا جبنا حقنا
هنوف:وانا بعد
مشاعل:حلو والله هذا انتقامك بدل السواقه رقص
سمر:لايا ذكيه الحقوني
في خيمه البنات
سمر:معكم جوالاتكم
الكل:ايه
سمر:افتحوا البلوتوث
عبيروش ذي الاصوات
سمر:ههههههههههههه المهم جيبوا المسجل هنا الليله ان ما خليتهم يندمون ما اكون سمر بنت راكان
هنوف: والله ينخاف منك
سمر:ههههه لاتخافون انتم في القائمه البيضاء مستحيل استخدم افكاري ضدكم
عبير:ههههه الحمد الله
الساعة 12 نص الليل
سمر:يلا بنروح خيمه الاولاد
عبيروش بتسوين يالمجنونه
سمر:جيبوا جوالاتكم والمسجل وروحوا لخيمه العيال بدووووون صووووت دقيقتين والحقكم

ردوودكم حبااايب
تحيااتوو
صرقووعة

صراحة انا ولامرة كملت قرائة رواية بس عشانك صرقووعة بجرب اكملها

والرواية حلوة مثلك

تحياتي study

مبدعة ومثقفة كتب:: صراحة انا ولامرة كملت قرائة رواية بس عشانك صرقووعة بجرب اكملها

والرواية حلوة مثلك

تحياتي

يصلمووو مبدعة
منوورة ياختييييييييش
Laughing

تحيااتوو
صرقووعة